Thursday, May 15, 2014
ရီေလတီဗီတီ သီအိုရီ
မိန်းကလေးများအဖို့
တစ်ထွာသောဆံပင်သည်
တိုတိုကလေးဖြစ်၏။
ဘတ်စ်ကားပေါ်မှ လူအဖို့
အင်းစိန်နှင့် ရန်ကုန်ခရီးသည်
အဝေးကြီး ဖြစ်၏။
ကိုယ်ပိုင်ကားပေါ်မှ လူအဖို့
အင်းစိန်နှင့် ရန်ကုန်ခရီးသည်
နီးနီးကလေးဖြစ်၏။
တောင်အောက်မှ လူအဖို့
ထိုလမ်းသည်
အတက်ဖြစ်၏။
တောင်ပေါ်မှ လူအဖို့
ထိုလမ်းသည်
အဆင်းဖြစ်၏။
ညအဖို့
၁၂ နာရီသည် သန်းခေါင်ယံ ဖြစ်၏။
နေ့အဖို့
၁၂ နာရီသည် မွန်းတည့်ဖြစ်၏။
လူကြီးများအဖို့
အချစ်သည် အတိတ်ဖြစ်၏။
လူငယ်များအဖို့
အချစ်သည် အနာဂတ်ဖြစ်၏။
မင်းလူ
Subscribe to:
Post Comments (Atom)
No comments:
Post a Comment